Ши Жиньпин ээжтэйгээ хамт

Ерөнхий нарийн бичгийн дарга Ши Жиньпиний номын өрөөнд түүний ээжийнхээ гараас хөтөлж, цэцэрлэгээр тайван алхаж байгаа зураг байдаг.

Ши Жиньпин аав ээждээ ачлалтай, төрөл садандаа элгэмсүү, гэр бүлдээ хайртай хүн юм.

Хүүгээ санасан эхийн сэтгэл

Ши Жиньпиний аав ээжийн аль аль нь хуучны сэхээтэн, ХКН-ын ахмад гишүүн билээ. 1962 онд түүний аав Ши Жүншюнь хилс хэрэгт холбогдон, ээж Чи Шинь нь балчир насны отгон хүү Ши Юаньпинээ дагуулж Хэнань мужийн Хатан голын үерт автсан тариалангийн талбайд хүнд хөдөлмөр хийж байлаа. Ши Жиньпиний хоёр эгч ч бүтээн байгуулалтын армид очиж, Ши Жиньпин Шааньши мужийн умард нутгийн Лянжяхэ тосгонд ажиллаж байсан юм.

Ийнхүү түүний гэр бүлийнхэн олон газар салж бутран хүнд байдалд оров. Эх хүн үрээ яаж санахгүй байх билээ. Алс хол Шааньши мужийн умард нутагт хал үзэж, халуун чулуу долоож яваа үр нь сэтгэлээс нь ер гардаггүй байлаа. Ээж нь хүүгээ санахын эрхэнд зүү утасны уут оёж, улаан утсаар “Эхийн сэтгэл” хэмээн хатгамал хийж хүүдээ илгээжээ.

2015 оны цагаан сарын хүлээн авалтад ерөнхий нарийн бичгийн дарга Ши Жиньпин Тан улсын яруу найрагч Мэн Жяогийн бичсэн “Хүүгийн сэтгэл” шүлгийг үнэн зүрхнээсээ уншиж билээ. Ши Жиньпин дарга: “Энэ шүлгийг Хятад хүмүүсийн гэрээ санаж, нутгаа хайрлах сэтгэлийг нүдэнд харагдтал бичсэн” хэмээн үнэлсэн юм.