Хятад улс чансаатай хөгжлийг ахиулна, дээд түвшний нээлттэй байдлыг дэмжинэ

Ши Жиньпин цааш нь хэлэхдээ "Аюулгүй байдал бол хөгжлийн үндэс суурь мөн. Тогтвортой байдал бол хүчирхэгжихийн урьтал нөхцөл болно. Улс орны аюулгүй байдлын ерөнхий үзэл баримтлалыг хэрэгжүүлж, аюулгүйн тогтолцоо, нийгмийн засаглалын тогтолцоог тус тус боловсронгуй болгож, аюулгүй байдлын хүчин чадлыг нэмэгдүүлж, олон нийтийн аюулгүй байдлыг дээшлүүлж, аюулгүй байдлын шинэ тогтолцоогоор хөгжлийн шинэ төлөв байдлыг баталгаажуулах хэрэгтэй" гэжээ.

Ши Жиньпин хэлсэн үгэндээ, "Хятадын хөгжил дэлхий дахинд ашигтай. Хятадын хөгжил дэлхийгээс салж чадахгүй. Хамтын уялдаатай. Хятад улс өндөр түвшинд илүү нээлттэй байж, дэлхийн зах зээл болон нөөц баялгийг сайтар ашиглан хөгжиж, мөнхүү дэлхийн хамтын хөгжлийг ахиулах болно" гэжээ.

Ши Жиньпин хэлэхдээ, "Хятад улс энх тайван, хөгжин цэцэглэх, хамтын ажиллагаа, харилцан ашигтай байдлыг чухалчилж, хэзээд түүхийн зөв талд зогсч, олон талт үзэл, хүн төрөлхтний нийтлэг үнэт зүйлсийг хамгаалж, дэлхийн засаглалын тогтолцооны шинэчлэл, бүтээн байгуулалтад идэвхтэй оролцож, нээлттэй дэлхийн эдийн засгийг ахиулж, Дэлхийн хөгжлийн санаачилга, Дэлхийн аюулгүй байдлын санаачилгыг хэрэгжүүлэхэд тус дөхөм үзүүлэх болно" гэжээ.

Ши Жиньпин хэлэхдээ, “Хүчирхэг Хятад улс байгуулахын тулд ХКН-ын байгуулалтыг бүх талаар эрчимжүүлэх ёстой. Намыг хатуу чанга удирдаж, авлига, хээл хахуультай эрс тэмцэнэ” гэж онцлоод “Намын доторх төвөгтэй асуудлыг шийдвэрлэхэд ухаалаг, зоригтой байж, эв нэгдлээ сахин хамгаалж, намын мөн чанарыг эрхэмлэж, үндэсний сэргэн мандалтын их үйлсийн төлөө хичээж ажиллах хэрэгтэй” гэж хэлсэн байна.