MONGOL

Хятад улс чансаатай хөгжлийг ахиулна, дээд түвшний нээлттэй байдлыг дэмжинэ

CRIPublished: 2023-03-13 10:13:04
Share
Share this with Close
Messenger Pinterest LinkedIn

Хятадын төрийн дээд эрхт байгууллага Бүх Хятадын Ардын Төлөөлөгчдийн Их Хурлын шинэ ээлжийн чуулган 13-ны өдөр Бээжин дэх Ардын Их Хурлын Ордонд хаалтаа хийлээ. ХКН-ын Төв Хорооны Ерөнхий нарийн бичгийн дарга, Хятад улсын дарга, Төв Хорооны Цэргийн Зөвлөлийн дарга Ши Жиньпин хаалтын хуралд хэлсэн үгэндээ, "Ард түмний итгэл найдвар бол миний урагшлах хамгийн том хөдөлгөгч хүч, мөрөн дээр байгаа их хариуцлага юм. Би Үндсэн хуулиар хүлээсэн үүргээ үнэнчээр биелүүлж, улс орныхоо хэрэгцээ шаардлагыг эрхэм зорилгоо болгон, ард түмний эрх ашгийг дээдэлж, үүргээ бүрэн дүүрэн биелүүлж, чин сэтгэлээсээ зүтгэж, ардын төлөөлөгчид болон үндэстнүүдийн ард түмнийхээ итгэл найдварыг хөсөрдүүлэхгүй" гэжээ.

Ши Жиньпин хэлэхдээ: "Хүчирхэг улс орон байгуулах, үндэсний сэргэн мандалтыг хөгжүүлэх томоохон үүрэг манай үеийнхний мөрөн дээр тавигдлаа” гэж онцлоод, “Хятадын үндэстнүүд түүхэндээ олон гайхамшиг бүтээж, олон бэрхшээлийг даван туулсан. ХКН байгуулагдсан цагаас олон үндэстнийг эвтэй нэгтгэн удирдаж, олон зууны шаргуу тэмцлээр, Хятадын ард түмэн хувь заяаныхаа эзэн болсон юм. Хятадын олон үндэстэн нэгдэж зогссон тэр үеэс хүчирхэгжин чинээлэгжих их аянаа эхлүүлж, үндэсний агуу их сэргэн мандалтын замаар замнасан юм. Шинэ аянд бид цаг эрин, түүх, ард түмэндээ осолдохгүй ололт амжилтыг бүтээж, хүчирхэг улс орон, үндэсний сэргэн мандалтыг дэмжих энэ үйлсэд үе үеийнхэн өөрийн хувь нэмрийг оруулах ёстой” гэжээ.

Ши Жиньпин хэлэхдээ "Хятад улс үндэсний сэргэн мандалтын шинэ аянд чансаатай хөгжлийг ахиулж, ард түмний эрх ашгийг дээдэлж, хөгжил, аюулгүй байдлыг нэгтгэн үзэж, "Нэг улс, хоёр систем"-ийг хэрэгжүүлэх, эх орноо нэгтгэхийг урагшлуулж, хүн төрөлхтний хамтын цогцыг байгуулахыг дэмжих ёстой" гэжээ.

Тэрбээр цааш нь "Хятад улс эдийн засгийн үр өгөөжөө сайжруулж, тоо хэмжээ, чанарын өсөлтөд анхаарч, эдийн засаг, шинжлэх ухаан технологи, үндэсний ерөнхий хүчин чадлыг дээшлүүлж, бүтээн байгуулалтын ололт амжилтыг бүх ард түмэнд тэгш хүртээж, бодит ахиц дэвшил гаргана" гэж цохон тэмдэглэв.

12全文 2 下一页

Share this story on

Messenger Pinterest LinkedIn