Байгуулагдсан нэг жилийн хугацаанд гайхалтай үр дүнд хүрсэн байна

19-нд, Хятадын (Шиньжяны) чөлөөт худалдааны бүсийн туршилтын бүс байгуулагдсан нэг жилийн ойн хэвлэлийн бага хурал Өрөмч хотод боллоо. Сурвалжлагч хэвлэлийн бага хурлаас ойлгосноор, Шиньжяны чөлөөт худалдааны туршилтын бүс байгуулагдсан нэг жилийн хугацаанд гайхалтай үр дүнд хүрч, аравдугаар сарын эцсийн байдлаар, шинэчлэл туршилтын үүргээ биелүүлж, үе шаттайгаар үр дүнд хүрсэн ажил төрлийн тоо 84-д хүрч, нийт ажлын 62.2 хувийг эзэлсэн байна.

Шиньжяны чөлөөт худалдааны туршилтын бүс нь Хятад улсын баруун хойд хил дагуу бүсийн анхны чөлөөт худалдааны туршилтын бүсийн хувьд, өнгөрсөн оны арваннэгдүгээр сарын 1-нд ашиглалтад орсноос хойш илүү их шинэчлэлийн бие даасан байдлыг хайн судлахад ихээхэн хүчин чармайлт гаргаж, засгийн газрын үүрэг чадавхын өөрчлөлт хийгээд бизнесийн орчныг оновчтой болгохыг ахиулж, гадаад худалдааны инноваци болон хөрөнгө оруулалт, санхүүжилтийг хялбарчлахыг ахиулж, ложистикийн төв болон боомтын гаалийн бүрдүүлэлтийн үр ашгийг дээшлүүлсэн байна. Өрөмч, Кашгар, Хоргос зэрэг гурван том бүс тус тусын үүрэг чадавхаа бүрэн бадруулж, баялаг үр дүнд хүрсэн байна. Тогтолцооны инноваци бол чөлөөт худалдааны туршилтын бүсийн бүтээн байгуулалтын гол цөм юм.