Хятад-АСЕАН-ы 6 дахь удаагийн аудиовизуал долоо хоног Наньнин хотод нээгдлээ

Есдүгээр сарын 10-ны орой Гуаншийн Жуан үндэстний өөртөө засах орны Наньнин хотод Хятад-АСЕАН-ы 6 дахь удаагийн аудиовизуал долоо хоногийн арга хэмжээний нээлт боллоо.

Үдэшлэгийн үеэр 2024 оны Хятад-АСЕАН-ы аудиовизуал олон улсын сурталчилгааны шилдэг хамт олон, хувь хүнийг шалгаруулж, цом, өргөмжлөл гардуулав.

Энэ удаагийн арга хэмжээ нь "Соёлын солилцооны шинэ боломжуудыг хуваалцаж, аудиовизуалын хамтын ажиллагааны шинэ ирээдүйг бүтээе" уриан дор болжээ. Арга хэмжээний үеэр, нээлтийн ёслол, үдшийн цэнгүүн, 2024 оны Хятад-АСЕАН-ы аудиовизуал салбар дахь хөрөнгө оруулагчдын бага хурал, Хятад-АСЕАН-ы аудиовизуал долоо хоногийн орчуулгын үзэсгэлэнгийн арга хэмжээ, Хятад-АСЕАН-ы залуу хөтлөгч нэвтрүүлэгчийн бүтээлийн лагерь, 2024 оны Хятад-АСЕАН-ы аудиовизуал олон улсын сурталчилгааны арга хэмжээ, Найрамдлын магтхуу·Хятад-Вьетнамын кино, телевизийн үдшийн цэнгүүн зэрэг арга хэмжээг зохион байгуулсан байна. Энэ нь Хятад, АСЕАН-ы хэвлэл мэдээллийн хамтын ажиллагаа, хүмүүсийн солилцоог идэвхтэй ахиулж, Хятад-АСЕАН-ы аудиовизуал салбарын хамтын ажиллагааны өндөр чанартай хөгжилд түлхэц өгч, нэн нягт Хятад-АСЕАН-ы хувь заяаны нэгдмэл цогцыг байгуулахад үйлчлэх юм байна.