Америкийн арми Газын зурваст усан онгоцны түр зогсоол барьж эхэлжээ

Израилын арми 25-ны орой мэдэгдэл гаргаж, Америк Газын зурваст усан онгоцны түр зогсоол байгуулж эхэлсэн. Израилын арми "аюулгүй байдал, логистикийн дэмжлэг" үзүүлж байна гэжээ.

Америкийн Төв командлалын удирдсан Газын зурваст тусламжийн бараа хүргэх ажилд тус дөхөм болох зорилгоор Газын зурвас дахь тэнгисийн эрэгт "логистикийн коридор" байгуулах шинэ санаачилгыг Израилын арми зөвшөөрсөн гэж мэдэгдэлд тэмдэглэв.

Америкийн БХЯ-ны хэвлэлийн төлөөлөгч Патрик Райдер дөрөвдүгээр сарын 25-ны өдөр хэвлэлийн бага хурал дээр хэлэхдээ, Америкийн байлдааны хөлөг онгоцнууд Газын зурвасын ойролцоо Газар дундад тэнгисийн усан хилд түр зогсоол болон гарц барьж эхэлсэн бөгөөд одоогоор урьдчилсан төслүүд хэрэгжүүлж байна гэв.