Үйлчилгээний худалдааны яармаг даян дэлхийд ямар ач холбогдлоо өгөх вэ?
Qualcomm-ын Android утсан дээр ажиллах боломжтой дэлхийн анхны хиймэл оюун ухаан, Philips эрүүл мэндийн шинэлэг шийдлүүд, Тесла ухаалаг амьдралын хэв маяг...
Өнөөдөр, 9-р сарын 2-нд Бээжин хотноо нээгдсэн Хятадын олон улсын үйлчилгээний худалдааны яармаг дээр хүмүүс даян дэлхийн хамгийн шинэ, хамгийн дэвшилтэт технологи болон үйлчилгээний худалдааны боломжтой танилцаж байлаа.
"Дэлхийн эдийн засаг нээлттэй байдалд хөгжиж, хаагдсан үед унана." Мөн өдөр Хятад улсын дарга Ши Жиньпин 2023 оны Хятадын олон улсын үйлчилгээний худалдааны яармагийн Дэлхийн үйлчилгээний худалдааны дээд хэмжээний уулзалтад видеогоор үг хэлж, дэлхийн үйлчилгээний худалдаа, үйлчилгээний салбарын хамтын ажиллагааг хөгжүүлэх нь эдийн засгийн даяаршлыг ахиулж, дэлхийн эдийн засгийн эрч хүчийг сэргээж, дэлхийн эдийн засгийн уян хатан чанарыг нэмэгдүүлэхэд хүчтэй түлхэц өгнө гэжээ. Тэрбээр онцолсон "нээлттэй байх", "хамтран ажиллах", "шинийг санаачлах", "ололтоо хуваалцах" гэсэн дөрвөн түлхүүр үг нь Хятад улс өндөр түвшний нээлттэй байдлаа өргөтгөж, нээлттэй хөгжлөөр дэлхийд үр өгөөжөө өгөхөөр шийдсэнийг дахин гэрчлэн харууллаа.
Сүүлийн жилүүдэд үйлчилгээний худалдаа нь дэлхийн худалдааны шинэ хөдөлгүүр болж байна. 2040 он гэхэд үйлчилгээний худалдаа дэлхийн худалдааны 50 хувийг эзэлнэ гэж ДХБ-аас таамаглаж байна. Энэ удаагийн үйлчилгээний худалдааны яармагт оффлайн хэлбэрээр 2400 гаруй оролцогч, тэр дундаа дэлхийн ТОП-500 болон салбарынхаа тэргүүлэгч 500 гаруй компани оролцож байгаа нь үйлчилгээний худалдааны дэлхийн ТОП-30 улс орон, бүс нутгийн 28-ыг хамарсан байна. Энэ удаагийн яармагийн зочин орон болох Их Британи сүүлийн дөрвөн жилийн хамгийн том цар хүрээтэй бизнесийн төлөөлөгчдөө Хятад руу илгээсэн аж. Хятад, Их Британи үйлчилгээний худалдааны хамтын ажиллагаагаа гүнзгийрүүлэхийг хүсэж байна гэж Их Британиас БНХАУ-д суугаа худалдааны төлөөлөгч Дү Тао хэллээ.
Хятадын Худалдааны яамны тоо баримтаас үзвэл, 2022 онд Хятадын үйлчилгээний импорт экспортын нийт хэмжээ бараг 6 их наяд юаньд хүрч, 9 дэх жилдээ дэлхийд хоёр дугаар байранд жагссан байна. Гадаад дотоодын бизнес эрхлэгчид эл яармагт идэвхтэй оролцож байгаа нь тэд юуны өмнө Хятадын супер том зах зээл, аж үйлдвэрийн тасралтгүй шинэчлэлийн шинэ боломжуудыг олж харсантай шууд холбоотой юм.
"Харилцаа холбоо, аялал жуулчлал, хууль эрх зүй, мэргэжлийн шалгалт болон бусад үйлчилгээний салбарын нээлттэй байдлыг өргөжүүлэх", "өндөр чанарын үйлчилгээний импортыг идэвхтэй өргөжүүлэх", "мэдлэг шингэсэн үйлчилгээний экспортыг өргөжүүлэхийг дэмжих"... Хятад улсын санаачилж буй цуврал шинэ арга хэмжээ нь дэлхий дахинтай өөрийн зах зээлийн боломжоосоо улам сайн хуваалцах болно гэдгийг тодорхойлж байна. Зөвхөн үйлчилгээний импортоор жишээлэхэд, Хятадын хот хөдөөгийн оршин суугчдын үйлчилгээний салбар дахь хэрэглээний зардал 2022 онд 43.2% байсан бол 2025 онд 50% орчим хүрч, ойролцоогоор 10 их наяд юанийн хэрэглээний зах зээлийг шинээр бий болгох тухай шинжээчид хэлж байна.
Үйлчилгээний худалдааг хөгжүүлэхэд боломж нөхцөл маш чухал. Өөрчлөлт нээлтийн бодлого хэрэгжүүлсэн 45 жилийн хугацаанд Хятад улс өөрийн үүд хаалгаа нээгээд зогсохгүй дэлхийн хөгжлийг "цэвэр өрөө"-гөөр хангасан юм. Үйлчилгээний худалдаа, үйлчилгээний салбарын хамтын ажиллагааны хувьд Хятад улс зах зээлд нэвтрэх стандарт баримжааг улам чөлөөтэй болгож байна. 2022 онд гадаадын хөрөнгө оруулалтыг зөвшөөрөхийн сөрөг жагсаалт 31 болон буурчээ, үүний дотор үйлчилгээний салбарын сөрөг жагсаалт 23 байгаа нь 74%-ийг эзлэв. Саяхан Хятад, Никарагуа хооронд албан ёсоор байгуулсан чөлөөт худалдааны хэлэлцээрээр жишээлэхэд анх удаа сөрөг жагсаалтын арга хэлбэрээр үндэстэн дамнасан үйлчилгээний худалдаа (банк санхүүгийн үйлчилгээг хамарна) болон хөрөнгө оруулалтыг нээлттэй болгож байгаа болно.
Үйлчилгээний худалдаа нь эдийн засгийн өсөлтийн шинэ хөдөлгөгч хүч болсон тул үйлчилгээний худалдааны яармагаас хүмүүс улам олон шинэ эрч хүчийг олж ажигласан байна. энэ нь мөн ч дэлхийн үйлчилгээний худалдааны хөгжилд нэн шаардлагатай эрэлт хэрэгцээ юм. "Дижиталчлал, ухаалаг шийдэл, ногоон байгууламж", энэ бол Ши Жиньпин хэлсэн үгэндээ үйлчилгээний салбарын ирээдүйн хөгжлийн талаар дурдсан хураангуйлал юм. Үүний дотроос дижитал технологи нь үйлчилгээний бизнес чанарыг нэмэгдүүлнэ. 2022 онд Хятадын дижитал хэлбэрээр хийсэн үйлчилгээний импорт экспортын хэмжээ 2.51 их наяд юаньд хүрч, 7.8%-иар нэмэгдсэн юм.
Ямартай ч Хятад маягийн орчин үеийн бүтээн байгуулалтыг тасралтгүй ахиулснаар Хятад улс дээд түвшний нээлттэй байдлаа үргэлжлүүлэн тэлэх болно. Энэ үйл явцад Хятадын илүү сайн үйлчилгээг дэлхийн улс түмэнд үзүүлэх болно.