Универсиад наадам эхлэхэд 100 хоног үлдлээ

Зуны 31 дэх удаагийн Универсиад наадам эхлэхэд 100 хоног үлдээд байгааг тохиолдуулж Хятадын Чэндү хотын төмөр замын тусгай галт тэрэг өчигдөр /17-ны өдөр/ Чэндугийн метроны 1 дүгээр шугамаас хөдөлжээ.

Энэхүү галт тэрэг Универсиад наадмын гол уриа, сэдвийн дагуу чимэглэгдэж, тоноглогдсон тусгай галт тэрэг юм. Галт тэрэгний гадна талыг улаан, шар, ногоон, цэнхэр дөрвөн өнгөөр урлаж, гэрэл гэгээ, эв нэгдэл, эв нийцтэй, багтаамжтай байх санааг илэрхийлжээ.

Дашрамд дуулгахад Зуны 31 дэх удаагийн Универсиад наадам энэ жилийн 7 дугаар сарын 28-нд Чэндүд нээлтээ хийнэ.

Д.Хүчитбаатар