ЗХЖШ, тусгай ажиллагааны командлагчийг томилов

ОХУ-ын Батлан хамгаалахын сайд Сергей Шойгу энэ сарын 11-ний өдөр Украины эсрэг цэргийн тусгай ажиллагаа явуулах Оросын бүс нутгийн нэгдсэн хүчний ерөнхий командлагчийн үүргийг Оросын Зэвсэгт хүчний жанжин штабын дарга Валерий Васильевич Герасимов гүйцэтгэнэ хэмээн мэдэгдэв.

ОХУ-ын БХЯ-ны сайтад мэдээлснээр, генерал Валерий Васильевич Герасимов Украины эсрэг цэргийн тусгай цажиллагаа явуулах Оросын бүс нутгийн нэгдсэн хүчний ерөнхий командлагчаар томилогдсон бол тусгай цэргийн ажиллагаа явуулах бүс нутгийн нэгдсэн хүчний ерөнхий командлагч, ОХУ-ын агаарын сансрын хүчний ерөнхий командлагчаар ажиллаж байсан генерал Суровкин Владимирович ОХУ-ын хуурайн цэргийн ерөнхий командлагч генерал Салюков Леонидович болон ОХУ-ын Зэвсэгт хүчний жанжин штабын орлогч дарга генерал Алексей Ким нар командлагчийн орлогчоор ажиллах юм.

Цэргийн тусгай ажиллагааны удирдлагын түвшинг дээшлүүлэх нь үйл ажиллагаагаар шийдвэрлэх зорилтуудын цар хүрээг өргөжүүлэх, адил бус цэргийн албад хоорондын уялдаа холбоо, цэргийн үйл ажиллагаануудын чанар чансаа, арми бүрдүүлэлт, удирдлагын үр нөлөөг сайжруулах зорилготой гэж ОХУ-ын Батлан хамгаалах яам мэдэгджээ.