Олон улсын кино наадам өндөрлөв

Өчигдөр Хятадын төв радио телевиз, Хайнань мужийн захиргаанаас хамтран зохион байгуулсан Хайнань арлын олон улсын 4 дэх кино наадам Хайнань мужийн Сань Яа хотод хаалтаа хийлээ.

Энэ удаагийн кино наадмын "Алтан наргил мод" шагналд дэлхийн 116 улс орон, бүс нутгийн нийт 3761 кино бүтээл өрсөлдсөнөөс гадаадын бүтээл 80 гаруй хувийг эзэлжээ. Энэ удаагийн "Алтан наргил мод"-ын шалгаруулалтыг гадаад, дотоодын 13 кино уран бүтээлчээс бүрдсэн шүүгчдийн баг онлайн болон офлайн хэлбэрээр шүүжээ. “Манан дундах бүсгүй”, “Нарны шарлага” зэрэг кинонууд есөн том номинацид шагнал хүртсэн бол Хятадын төв радио, телевизийн бүтээсэн баримтат кино "Бээжин хүн: Хүн төрөлхтний сүүлчийн нууц", "Гүйсээр л байх болно", "Сансар огторгуй" зэрэг гурван кино энэ удаагийн кино наадмаар үзэгчидтэй золгосон байна.

"Сансар огторгуй" киноны найруулагч Жү И Рань: “Өнгөрсөн жил бид төв радио телевизийн дэмжлэгтэйгээр 8К сансрын хэт өндөр нягтралтай хоёр камер бүтээж, Тяньжөү-3 ачааны сансрын хөлгөөр дамжуулан Хятадын сансрын станц руу илгээсэн. Шэньжөү-13 нисэгчдийн багийнхан болон дараагийн багийнхан зураг авалтыг гүйцэтгэсэн. Цаашид бид Хятадын сансрын станцын бүтээн байгуулалт, ашиглалтын үе шатанд үндэслэн, улам шинэчилсээр байх болно. Энэ нь мөн төв радио телевизийн уран бүтээл, технологи, үзэл санааны эрэлхийллийг харуулж байна” гэжээ.