Месси мөрөөдлөө биелүүллээ

Аргентин уу, Франц уу гэдэг нь Катарын ДАШТ-ний финалын хамгийн том эргэлзээ байсан. Хоёр баг 120 минутад 3:3-аар тэнцэж, эцэст нь торгуулийн цохилтоор Аргентин Францыг хожиж, гурав дахь удаагаа дэлхийн аварга боллоо. Месси эхний тоглолтын үеэр хэд хэдэн дээд амжилт тогтоож, шигшээ тоглолтоо ганзага дүүрэн өндөрлүүлсэн юм.

Энэ нь ДАШТ-ний түүхэнд Өмнөд Америкийн баг Европын багтай шигшээ тоглолтод 11 дэх удаагаа хүч үзсэн явдал боллоо. Өмнөх 10 тоглолтод Өмнөд Америкийн баг 7 удаа тэргүүлж байжээ.

120 минутын дотор хоёр баг нийт 6 гоол оруулсанаас хоёрыг нь Месси оруулж, 1/8 шигшээ, 1/4 шигшээ, хагас шигшээ болон шигшээ тэмцээнд гоол оруулсан анхны тоглогч болов.

Мөн Аргентины хаалгач Мартинес дахин багийнхаа баатар боллоо. Францын баг торгуулийн дөрвөн цохилтын хоёрыг нь л хийсэн бол, Аргентины баг торгуулийн цохилтоо бүгдийг нь хийсэн байна. Эцсийн дүнд “Пампас бүргэд” 36 жилийн дараа дахин дэлхийн аваргын эзэн боллоо.