Одоогийн байршил:mongol.china.com > Мэдээ >

"Хятад киног би сайн мэднэ” уралдаан амжилттай боллоо

2018-06-03 18:14:33

6-р сарын 2-нд Бээжин хотноо ХОУР-гийн Монгол хэлний редакц, Бээжин хотын Монгол оюутны холбоо "Бээжин хотыг би сайн мэднэ" уралдааныг хоёр дахь жилдээ хамтран зохион байгууллаа. Энэ жил тус уралдааныг “Хятад киног би сайн мэднэ” сэдвийн хүрээнд зохиосон байгуулснаараа онцлог болсон юм. Тус уралдаан Бээжинд суралцаж буй монгол оюутан залууст кино урлагаар дамжуулж Хятад улсын хөгжил, эгэл жирийн хүмүүсийн аж амьдрал, хайр сэтгэл, хүсэл мөрөөдөл, мөн чанарыг нээн харуулахыг зорьсон билээ.

Энэ жил “Бээжин хотыг би сайн мэднэ” уралдааныг 3 үе шаттай зохион байгуулсан юм. 1 дүгээр шатанд олон их дээд сургуулийн 15 баг Хятадын киноны тухай эсээ бичиж ирүүлснээс, 2-р шатанд 10 баг шалгарч, бичсэн эсээнийхээ дагуу илтгэл тавьж өрсөлдлөө. 3-р шатанд багууд урлагийн тоглолт үзүүлж, авьяас билгээ уралдуулсан нь хурсан олны талархлыг хүлээж, нижигнэсэн алга ташилтаар мялаалгаж байлаа.

"Бээжин хотыг би сайн мэднэ-2" уралдааныг шүүгчээр ХОУР-гийн сэтгүүлч, нэвтрүүлэгч, яруу найрагч Г.Баатар, Хятадын Төв Радиогийн нэвтрүүлэгч Хувьсгалт, Төвийн Үндэстний Их Сургуулийн профессор, зохиолч Эрдэмт, Улаанбаатарын Их Сургуулийн Дорно дахины тэнхимийн эрхлэгч, хэл бичгийн ухааны доктор А.Мөнх-Оргил, ХОУР-гийн мэргэжилтэн, түүхийн ухааны доктор До.Болдхуяг нар ажилласан юм.

Уралдааны эцсийн дүн гарахад Бээжингийн Ардын их сургуулийн сургуулийн "Nostalgia" баг тэргүүлж, Бээжингийн багшийн их сургуулийн "Кино партизан" баг, "Зүүд сахигч" баг хоёрдугаар байр, Бээжингийн багшийн их сургуулийн "Инь Ян","Удвал цэцэг", Төвийн үндэстний их сургуулийн "Манан" баг тус тус гуравдугаар байранд орлоо.

Дашрамд дурдахад энэ уралдааныг ХОУР, БМОХ жил бүр уламжлал болгон зохион явуулахаар шийдвэрлэсэн байна.



Санал болгох

Мэдээ:
Мэдээ
Соёл урлаг:
Соёл урлаг
Аялал жуулчлал:
Аялал жуулчлал Хятадын үзэмж
Бизнес:
Бизнес
Урлан:
Шинэ мэдээ Уран бичлэг Уран зураг Уран бүтээлч
Аудио:
Ярилцлага Дуу хөгжим
Видео:
Видео
Фото:
Үзэмж Хүмүүс Үйл явдал