Одоогийн байршил:mongol.china.com > Соёл урлаг >

Монгол үсэг бичиг, сурвалж бичгийн музей нээгдэв

2017-06-12 11:20:16

Хятад улсын Соёл, байгалийн өвийн анхны өдөрлөг болох гэж байгаа энэ үед Монгол үсэг бичиг, сурвалж бичгийн музей буюу Өвөр Монголын Хорингэр сяний Монгол үсэг бичиг, сурвалж бичгийн музей 10-нд ашиглалтад орлоо. Тус музейд Монгол үсэг бичиг, сурвалж бичгийн материал, соёлын өв дурсгалуудыг дэлгэжээ.

Тус музейг 2015 оны 6-р сард байгуулжээ. Өвөр Монголын ардын дундах соёлын өв цуглуулан хадгалагч Гэрэлтээс голлох өв дурсгалуудыг нийлүүлж, Хөххотын Шэнлэ соёл аялал жуулчлалын аж үйлдвэрийн хөгжлийн ХХК хөрөнгө оруулан барьж босгожээ. Музей 1700 гаруй квадрат метр талбайтай. Голдуу Монгол сурвалж бичгийн архив, эртний ном сурвалжууд, уран зургийн бүтээл, тамга зэрэг 360 гаруй ширхэг өв тавигдаж, үзэгчдэд баялаг агуулгатай Монгол үсэг бичиг, сурвалж бичгийн материал, соёлын өвийг танилцуулахын зэрэгцээ Монгол соёлын хөгжил, түүхийн үйл явцыг харуулсан байна.

Тус музей соёлын дурсамж, түүхийн гэрч, сүм хийдийн өвлөн хадгалсан эд зүйл зэрэг 3 үзэсгэлэнгийн тэнхимтэй. Бурхны шашны судар ном, Юань гүрний хөгжмийн тэмдэглэл, танка зураг, Монголоор бичсэн зарлиг, буддын сүм хийдийн архив зэрэг олон зүйлийг хадгалсны дотор маш олон сурвалж бичиг, архивын материал нь давтагдашгүй ховор үнэт өв юм. Эдгээр өв дурсгалууд адил бус түүхийн цаг үе дэх Монгол үндэстний түүхийн болон эдийн засгийн байдлын өөрчлөлт, шинжлэх ухааны хөгжил, соёл, шашин шүтлэгийн уламжлалыг бүх талаар тусган харуулсан байна.


Санал болгох

cri

Календарь

Редакцийн сонголт

Эх байгалиас заяасан чимэгт аялгуу

Эх байгалиас заяасан чимэгт аялгуу

Хайрын хажууд

Хайрын хажууд

Үйлчилгээ

Гар утсаа ашиглаж хятад хэл сурах боломж нээгдэв

Хятадын Олон Улсын Радиогийн Монгол хэлний редакцийн хамт олон хятад хэл сонирхогчдод зориулан гар утасны "Хятад толь" аппликейшн бүтээжээ. Тус аппликейшнийг Андройд үйлдлийн системтэй ухаалаг гар утсаар татан авч кирилл монгол үсгээр хятад хэл, соёлын талаар өргөн мэдээлэл авах боломжтой юм.

Биднийг дагах

mongol.china.com
mongol.china.com
mongol.cri.cn
mongol.cri.cn
Мэдээ:
Мэдээ
Соёл урлаг:
Соёл урлаг
Аялал жуулчлал:
Аялал жуулчлал Хятадын үзэмж
Бизнес:
Бизнес
Урлан:
Шинэ мэдээ Уран бичлэг Уран зураг Уран бүтээлч
Аудио:
Ярилцлага Дуу хөгжим
Видео:
Видео
Фото:
Үзэмж Хүмүүс Үйл явдал